Vinnarar av skrivekonkurranse i Tid for ti 2019

I samanheng med Tid for ti-aksjonen arrangerte Foreningen !les og Framtida junior ein skrivekonkurranse. Vinnarane er no klare.

Oppgave teksten var:

Snill eller slem?

Vel éi av desse oppgåvene:

1. Er ein enten snill eller slem? Skriv eit lesarbrev der du diskuterer om det går an å vera begge delar, og kom gjerne med eksempel frå bøkene eller livet elles der du viser korleis ein kan vera det.

2. Skriv ein tekst der du prøver å forklara kvifor du trur menneske ikkje alltid oppfører seg så bra. Kvar kjem det vonde frå? Kom gjerne med eksempel frå bøker eller nyhende du har lese!

3. Skriv om ein person du synest er snill. Kva er det som gjer denne personen så snill? Og kva kan andre læra av denne personen sin måte å oppføra seg på?

Juryen har plukka ut tre vinnartekstar som kjem på trykk i Framtida junior og tre vinnarar som får bokpakke frå Foreningen !les. I juryen satt Sigrun Feiring (Foreningen !les), Elen Betanzo (Samlaget) og Marit Wadsten (Nynorsksenteret).

Bidraga som kjem på trykk i avisa er (trykk på namna for å lese tekstane):

Tale Rasmussen, Den Norske Skole i Malaga
Leah Norland-Grannes, Sola skole
Live, Ila skole

Bidraga som får bokpakke er:

Anna Strømø Sætre, Vik skule:

Venner

Når sola går opp er vi i lag
Når sola går ned må vi skilje lag
Men heldigvis har vi enda ein dag
Før hjarte ditt mister sitt slag.

Eg trur ikkje på ein verden uten deg
Det hadde vore å miste ein del av seg
Det hender ting ikkje går min veg,
Men du er der og støttar meg

Eg er glad i deg.

Markus Nitter Sviggum, Aurland barne- og ungdomsskule:

Bestemor

Bestemor er snill. Ho lagar god mat, og lagar nesten all maten sin frå botnen. Viss eg er åleine heima når eg kjem frå skulen, har ho alltid maten klar. Ho lagar og ribbe til jul og nyttårsafta. Min favorittrett hos bestemor er makaronigrateng.

Bestemor er veldig sprek. Ho syklar nesten alltid. Nokre gonger vert ho køyrd. Sjølv om ho er 79 år syklar ho til butikken og heim att med alle varene. Dette gjer ho to gonger i veka. Ho seier at ho ikkje vil ha lappen.

Det beste med bestemor er at ho er naboen min. Når eg er heime åleine kan eg gå bort til ho for å snakke med ho eller spele kort. Me pleier å spele Vri 8, eller Casino. Når mamma og pappa er på ferie kan eg overnatte hos ho. Eg likar å spele kort med bestemor.

Bestemor er av og til på Geilo. Der hjelper ho onkelen min på kontoret. Ho pleier å vaske på kontoret og måke snø på verandaen til onkel, fordi han er dårleg i ryggen. Bestemor går ofte på ski når ho er på Geilo. Eg syntes det er kjedeleg når bestemor ikkje er heime, fordi då kan eg ikkje gå bort til ho når eg er åleine heime.

Når det er snø i Aurland hjelper eg bestemor med å måke snø. Nokre gonger gjer ho det sjølv. Når ho har måka ferdig legg ho snøen i ein haug og lagar snølykt. Det syntes eg er koseleg.

Eg pleier å sjå på tv-program hos bestemor. Det syntes me er hyggeleg. Me ser på Farmen, På tur med Dag Otto og Huskestue. Favoritten min er Huskestue. Det er veldig morosamt å sjå på. Det er og ganske lærerikt. No i januar ser eg og bestemor Farmen kjendis. Me har gleda oss til Farmen kjendis lenge, fordi firmenningen min er med. Firmenningen min heiter Tiril Sjåstad Christiansen. Me heiar sjølvsagt på ho.

Bestemor er ein viktig person i livet mitt. Ho blir nesten aldri sint, og visst eg øydelegg noko blir ho ikkje sur. Eg saknar henne når ho ikkje er heime. Det er best når ho er heime, sånn at eg kan spele kort med ho.

Ingrid Matilde Herre Staveland, Kirkevoll barne- og ungdomskole:

Kvifor er vi slem?

Har du nokon gang tenkt på det? Vi menneske har alltid ein form for konflikt med nokon. Kvifor det? Kvifor kan vi ikkje berre vere snille med kvarandre?

Nyheitene
Vi menneske elskar drama, det finst tusanvis av tv-kanalar, radio-kanalar og avisar rundt omkring i verda. Menneske har alltid hatt det sånn. Vi synest det er så morosamt å høyre om andre sine problemar eller gledar. Mange tenkjer sikkert når dei les dette at viss vi berre hadde tatt vekk dette hadde verda blitt “perfekt”. Eg trur problema hadde berre blitt verre viss vi gjorde det.

Problemet
Tenkt deg i 2019 at alt var perfekt og alle var glade, eller var dei egentleg det? Det å gjere noko slemt ser vi på som underhaldning, og det å høyre om noko slemt er også underhaldning. Fleire menneske hadde gått rundt med den trongen til å gjere noko slemt, berre litt slemt, men slemt nok til å såre nokon. Så utan den underhaldninga hadde vi gått rundt å kjeda oss. Filmane med dei onde skurkane hadde aldri fantest, og barnefilmane med den snille vennegjengen ville berre vore kjedelege. Alt det vi ser på som morosamt hadde forsvunne i lause lufta utan noko litt slemt å gjere. Livet kunne vore perfekt, ein fantastisk familie, alle var vener og ein fin skule å gå på, men det ville framleis vore noko som mangla.

Forskjellege måtar
Du tenkjer sikkert på ein enkelt person når du høyrer ordet slemt, men alle menneske er skapt for å ha det morosamt. Men når du tenkjer over det kjem mykje av det morosam frå ein spesiell ting. Vi har alle høyrt om eventyret om raudhette, kva hadde det eventyret vore utan den store stygge ulven? Heile eventyret ville vore kjedeleg og ikkje engasjert nokre barn.

Det er ikkje noko gale å tenkje på deg sjølv som ein snill person, men tenk på at heile verda er avhengig av ein form for underhaldning som i nokre tilfelle er å hørye om noko slemt.

NB! Denne teksten er omsett frå bokmål til nynorsk av Foreningen !les.